ќе пројде и петок, а ти уште си ми скарана...
Доскочици:
Се е во ред

Се е во ред

Понекогаш загребувам на површината на некоја случајна душа
седнувам и размислувам
разбирајќи дека е стивнато, дека е мирно
дека е добро
потоа поплукувам, гризам јазик иако не сум рекла ништо
тропнувам три пати
на мојата глава

Отварајќи некоја врата,
некоја заборавена врата кон мозокот.
Потоа
едно лошо облечено човече излегува
има малечки скалички кои ги спушта и се симнува до висината на мојот образ
ми мава неочекувано силен шамар
и ми вели да престанам да бидам параноична.

Дека се е во ред.
Се е во ред.

Автор: Емилија Славковска

Инфо за Падобранци

avatar
Надворешни соработници.